yahi zamana-e-hazir ki kaenat hai kya
dimagh raushan o dil tera o nigah bebak
Allama Iqbal
yaqin mohkam amal paiham mohabbat fatah-e-alam
jihad-e-zindagani mein hain ye mardon ki shamshiren
Allama Iqbal
ye hai KHulasa-e-ilm-e-qalandari ki hayat
KHadang-e-jasta hai lekin kaman se dur nahin
Allama Iqbal
ye jannat mubarak rahe zahidon ko
ki main aap ka samna chahta hun
Allama Iqbal
ye kaenat abhi na-tamam hai shayad
ki aa rahi hai damadam sada-e-kun-fayakun
Allama Iqbal
yun to sayyad bhi ho mirza bhi ho afghan bhi ho
tum sabhi kuchh ho batao musalman bhi ho
Allama Iqbal
zamam-e-kar agar mazdur ke hathon mein ho phir kya
tariq-e-koh-kan mein bhi wahi hile hain parwezi
Allama Iqbal
zamana aql ko samjha hua hai mishal-e-rah
kise KHabar ki junun bhi hai sahib-e-idrak
Allama Iqbal
zamir-e-lala mai-e-lal se hua labrez
ishaara pate hi sufi ne toD di parhez
Allama Iqbal