KHwahishen KHun mein utri hain sahifon ki tarah
in kitabon mein tere hath ki tahrir bhi hai

Akhtar Hoshiyarpuri

---

---

kise KHabar ki guhar kaise hath aate hain
samundaron se bhi gahri hai KHamushi meri

Akhtar Hoshiyarpuri

---

---

kisi se mujh ko gila kya ki kuchh kahun 'aKHtar'
ki meri zat hi KHud raste ka patthar hai

Akhtar Hoshiyarpuri

---

---

kuchh itne ho gae manus sannaTon se hum 'aKHtar'
guzarti hai giran apni sada bhi ab to kanon pa

Akhtar Hoshiyarpuri

---

---

kuchh mujhe bhi yahan qarar nahin
kuchh tera gham bhi dar-ba-dar hai yahan

Akhtar Hoshiyarpuri

---

---

kya log hain ki dil ki girah kholte nahin
aankhon se dekhte hain magar bolte nahin

Akhtar Hoshiyarpuri

---

---

log nazron ko bhi paDh lete hain
apni aankhon ko jhukae rakhna

Akhtar Hoshiyarpuri

---

---

main ab bhi raat gae us ki gunj sunta hun
wo harf kam tha bahut kam magar sada tha bahut

Akhtar Hoshiyarpuri

---

---

main apni zat ki tashrih karta phirta tha
na jaane phir kahan aawaz kho gai meri

Akhtar Hoshiyarpuri

---

---