اردو हिंदी
Akhtar Hoshiyarpuri Shayari | Shaahi Shayari

Akhtar Hoshiyarpuri Shers

46 Shers

chaman ke rang-o-bu ne is qadar dhoka diya mujh ko
ki main ne shauq-e-gul-bosi mein kanTon par zaban rakh di

Akhtar Hoshiyarpuri


Tags: | Dhoka | | 2 Lines Shayari |


dekha hai ye parchhain ki duniya mein ki aksar
apne qad-o-qamat se bhi kuchh log baDe hain

Akhtar Hoshiyarpuri


Tags: | 2 Lines Shayari |


dhup ki garmi se inTen pak gain phal pak gae
ek hamara jism tha aKHtar jo kachcha rah gaya

Akhtar Hoshiyarpuri


Tags: | Garmi | | 2 Lines Shayari |


guzarte waqt ne kya kya na chaara-sazi ki
wagarna zaKHm jo us ne diya tha kari tha

Akhtar Hoshiyarpuri


Tags: | Waqt | | Dard | | 2 Lines Shayari |


hamein KHabar hai koi ham-safar na tha phir bhi
yaqin ki manzilen tai kin guman ke hote hue

Akhtar Hoshiyarpuri


Tags: | 2 Lines Shayari |


hawa mein KHushbuen meri pahchan ban gai thin
main apni miTTi se phul ban kar ubhar raha tha

Akhtar Hoshiyarpuri


Tags: | 2 Lines Shayari |


jis qadar niche utarta hun main
jhil bhi gahri hui jati hai

Akhtar Hoshiyarpuri


Tags: | 2 Lines Shayari |


kab dhup chali sham Dhali kis ko KHabar hai
ek umr se main apne hi sae mein khaDa hun

Akhtar Hoshiyarpuri


Tags: | Shaam | | Saya | | Dhoop | | 2 Lines Shayari |


ai jalti ruto gawah rahna
hum nange panw chal rahe hain

Akhtar Hoshiyarpuri


Tags: | 2 Lines Shayari |