jab tere nain muskuraate hain
zist ke ranj bhul jate hain
Abdul Hamid Adam
aankh ka e'tibar kya karte
jo bhi dekha wo KHwab mein dekha
Abdul Hamid Adam
ijazat ho to main tasdiq kar lun teri zulfon se
suna hai zindagi ek KHub-surat dam hai saqi
Abdul Hamid Adam
husn ek dilruba hukumat hai
ishq ek qudrati ghulami hai
Abdul Hamid Adam
hujum-e-hashr mein kholunga adl ka daftar
abhi to faisle tahrir kar raha hun main
Abdul Hamid Adam
har dil-fareb chiz nazar ka ghubar hai
aankhen hasin hon to KHizan bhi bahaar hai
Abdul Hamid Adam
hum ko shahon ki adalat se tawaqqo to nahin
aap kahte hain to zanjir hila dete hain
Abdul Hamid Adam
hum aur log hain hum se bahut ghurur na kar
kalim tha jo tera naz sah gaya hoga
Abdul Hamid Adam
had se baDh kar hasin lagte ho
jhuTi qasmen zarur khaya karo
Abdul Hamid Adam