darogh ke imtihan-kade mein sada yahi karobar hoga
jo baDh ke taid-e-haq karega wahi sazawar-e-dar hoga

Abdul Hamid Adam

---

---

dekha hai kis nigah se tu ne sitam-zarif
mahsus ho raha hai main gharq-e-sharab hun

Abdul Hamid Adam

---

---

dil abhi puri tarah TuTa nahin
doston ki mehrbani chahiye

my heartbreak's not complete, it pends
I need some favours from my friends

Abdul Hamid Adam

---

---

dil KHush hua hai masjid-e-viran ko dekh kar
meri tarah KHuda ka bhi KHana KHarab hai

seeing the mosque deserted was to me a source of glee
his house too was desolate, just the same as me

Abdul Hamid Adam

---

---

girte hain log garmi-e-bazar dekh kar
sarkar dekh kar meri sarkar dekh ka

Abdul Hamid Adam

---

---

gulon ko khil ke murjhana paDa hai
tabassum ki saza kitni baDi hai

Abdul Hamid Adam

---

---

hath se kho na baiThna us ko
itni KHuddariyan nahin achchhi

Abdul Hamid Adam

---

---

had se baDh kar hasin lagte ho
jhuTi qasmen zarur khaya karo

Abdul Hamid Adam

---

---

hum aur log hain hum se bahut ghurur na kar
kalim tha jo tera naz sah gaya hoga

Abdul Hamid Adam

---

---