aDh ke tufan ko aaghosh mein le le apni
Dubne wale tere hath se sahil to gaya

Abdul Hamid Adam

---

---

aankh ka e'tibar kya karte
jo bhi dekha wo KHwab mein dekha

Abdul Hamid Adam

---

---

ole koi hans kar to chhiDak dete hain jaan bhi
lekin koi ruThe to manaya nahin jata

Abdul Hamid Adam

---

---

chhoDa nahin KHudi ko dauDe KHuda ke pichhe
aasan ko chhoD bande mushkil ko DhunDte hain

Abdul Hamid Adam

---

---

chhup chhup ke jo aata hai abhi meri gali mein
ek roz mere sath sar-e-am chalega

Abdul Hamid Adam

---

---

darogh ke imtihan-kade mein sada yahi karobar hoga
jo baDh ke taid-e-haq karega wahi sazawar-e-dar hoga

Abdul Hamid Adam

---

---

dekha hai kis nigah se tu ne sitam-zarif
mahsus ho raha hai main gharq-e-sharab hun

Abdul Hamid Adam

---

---

dil abhi puri tarah TuTa nahin
doston ki mehrbani chahiye

my heartbreak's not complete, it pends
I need some favours from my friends

Abdul Hamid Adam

---

---

dil KHush hua hai masjid-e-viran ko dekh kar
meri tarah KHuda ka bhi KHana KHarab hai

seeing the mosque deserted was to me a source of glee
his house too was desolate, just the same as me

Abdul Hamid Adam

---

---