tumhein yaad hi na aaun ye hai aur baat warna
main nahin hun dur itna ki salam tak na pahunche

Kaleem Aajiz

---

---

mera KHayal nahin hai to aur kya hoga
guzar gaya tere mathe se jo shikan ki tarah

Kamal Ahmad Siddiqi

---

---

yaad na aane ka wada kar ke
wo to pahle se siwa yaad aaya

Karamat Bukhari

---

---

taaqub mein hai mere yaad kis ki
main kis ko bhul jaana chahta hun

Kausar Mazhari

---

---

tujhe kuchh us ki KHabar bhi hai bhulne wale
kisi ko yaad teri bar bar aai hai

Kausar Niyazi

---

---

wo mil na sake yaad to hai un ki salamat
is yaad se bhi hum ne bahut kaam liya hai

Kausar Niyazi

---

---

chamak rahe the andhere mein soch ke jugnu
main apni yaad ke KHeme mein so nahin paya

KHalid Malik u0027Sahilu0027

---

---