ada hua na qarz aur wajud KHatm ho gaya
main zindagi ka dete dete sud KHatm ho gaya

Faryad Aazar

---

---

mere wajud ko parchhaiyon ne toD diya
main ek hisar tha tanhaiyon ne toD diya

Fazil Jamili

---

---

agar hai insan ka muqaddar KHud apni miTTi ka rizq hona
to phir zamin par ye aasman ka wajud kis qahr ke liye hai

Ghulam Husain Sajid

---

---

kabhi mohabbat se baz rahne ka dhyan aae to sochta hun
ye zahr itne dinon se mere wajud mein kaise pal raha hai

Ghulam Husain Sajid

---

---

sitar-e-KHwab se bhi baDh kar ye kaun be-mehr hai ki jis ne
charagh aur aaine ko apne wajud ka raaz-dan kiya hai

Ghulam Husain Sajid

---

---

mera wajud haqiqat mera adam dhoka
fana ki shakl mein sar-chashma-e-baqa hun main

Hadi Machlishahri

---

---

ab koi DhunD-DhanD ke lao naya wajud
insan to bulandi-e-insan se ghaT gaya

Kalidas Gupta Raza

---

---