shikwa apnon se kiya jata hai ghairon se nahin
aap kah den to kabhi aap se shikwa na karen

Khalish Kalkatvi

---

---

koi charag jalata nahin saliqe se
magar sabhi ko shikayat hawa se hoti hai

Khurshid Talab

---

---

mujhe tujh se shikayat bhi hai lekin ye bhi sach hai
tujhe ai zindagi main walihana chahta hun

Khushbir Singh Shaad

---

---

chup raho kyun mizaj puchhte ho
hum jien ya maren tumhein kya hai

Lala Madhav Ram Jauhar

---

---

meri hi jaan ke dushman hain nasihat wale
mujh ko samjhate hain un ko nahin samjhate hain

Lala Madhav Ram Jauhar

---

---

chahi thi dil ne tujh se wafa kam bahut hi kam
shayad isi liye hai gila kam bahut hi kam

Mahboob Khizan

---

---

hum gae the us se karte shikwa-e-dard-e-firaq
muskura kar us ko dekha sab gila jata raha

Mirza Mohammad Taqi Hawas

---

---