muKHtar main agar hun to majbur kaun hai
majbur aap hain to kise iKHtiyar hai

Lala Madhav Ram Jauhar

---

---

na mangiye jo KHuda se to mangiye kis se
jo de raha hai usi se sawal hota hai

Lala Madhav Ram Jauhar

---

---

jawab deta hai mere har ek sawal ka wo
magar sawal bhi us ki taraf se hota hai

Mohsin Asrar

---

---

khaDa hun aaj bhi roTi ke chaar harf liye
sawal ye hai kitabon ne kya diya mujh ko

Nazeer Baaqri

---

---

gham mujhe dete ho auron ki KHushi ke waste
kyun bure bante ho tum nahaq kisi ke waste

you heap these sorrows onto me, why for other's sake?
For someone else, needlessly this blame why do you take?

Riyaz Khairabadi

---

---

jawaz koi agar meri bandagi ka nahin
main puchhta hun tujhe kya mila KHuda ho ka

Shahzad Ahmad

---

---