mujhe zindagi ki dua dene wale
hansi aa rahi hai teri sadgi pa

Gopal Mittal

---

---

a-zahir sadgi se muskura kar dekhne walo
koi kam-baKHt na-waqif agar diwana ho jae

Hafeez Jalandhari

---

---

hajat nahin banao ki ai naznin tujhe
zewar hai sadgi tere ruKHsar ke liye

Haidar Ali Aatish

---

---

wafa tujh se ai bewafa chahta hun
meri sadgi dekh kya chahta hun

fealty I seek from you, O my faithless friend
behold my innocence and, see what I intend

Hasrat Mohani

---

---

wo sadgi mein bhi hai ajab dilkashi liye
is waste hum us ki tamanna mein ji liye

Junaid Hazin Lari

---

---

mujh se tu puchhne aaya hai wafa ke mani
ye teri sada-dili mar na Dale mujh ko

Qateel Shifai

---

---