'qamar' zara bhi nahin tum ko KHauf-e-ruswai
chale ho chandni shab mein unhen bulane ko

Qamar Jalalvi

---

---

ab to har hath ka patthar hamein pahchanta hai
umr guzri hai tere shahr mein aate jate

Rahat Indori

---

---

jo teri bazm se uTTha wo is tarah uTTha
kisi ki aankh mein aansu kisi ke daman mein

Salik Lakhnavi

---

---

hum talib-e-shohrat hain hamein nang se kya kaam
badnam agar honge to kya nam na hoga

Shefta Mustafa Khan

---

---

dekhe hain bahut hum ne hangame mohabbat ke
aaghaz bhi ruswai anjam bhi ruswai

Sufi Tabassum

---

---