dhup nikli hai barishon ke baad
wo abhi ro ke muskurae hain

Anjum Ludhianvi

---

---

muskura kar dekh lete ho mujhe
is tarah kya haq ada ho jaega

Anwar Shuoor

---

---

yun muskurae jaan si kaliyon mein paD gai
yun lab-kusha hue ki gulistan bana diya

Asghar Gondvi

---

---

nahin itab-e-zamana KHitab ke qabil
tera jawab yahi hai ki muskurae ja

Hafeez Jalandhari

---

---

hamare ghar se jaana muskura kar phir ye farmana
tumhein meri qasam dekho meri raftar kaisi hai

Hasan Barelvi

---

---

itna roya hun gham-e-dost zara sa hans kar
muskuraate hue lamhat se ji Darta hai

Hasan Nayeem

---

---

mahfil mein log chaunk paDe mere nam par
tum muskura diye meri qimat yahi to hai

Hashim Raza Jalalpuri

---

---