jaan tujh par kuchh e'timad nahin
zindagani ka kya bharosa hai

Khan Arzoo Sirajuddin Ali

---

---

main us ke wade ka ab bhi yaqin karta hun
hazar bar jise aazma liya main ne

To this day her promises I do still believe
who a thousand times has been wont to deceive

Makhmoor Saeedi

---

---

dard-e-dil kya bayan karun 'rashki'
us ko kab e'tibar aata hai

Mohammad Ali Khan Rashki

---

---

ya tere alawa bhi kisi shai ki talab hai
ya apni mohabbat pe bharosa nahin hum ko

Shahryar

---

---

jhuT par us ke bharosa kar liya
dhup itni thi ki saya kar liya

Shariq Kaifi

---

---

musafiron se mohabbat ki baat kar lekin
musafiron ki mohabbat ka e'tibar na ka

Umar Ansari

---

---

hum aaj rah-e-tamanna mein ji ko haar aae
na dard-o-gham ka bharosa raha na duniya ka

Waheed Quraishi

---

---