asir-e-panja-e-ahd-e-shabab kar ke mujhe
kahan gaya mera bachpan KHarab kar ke mujhe

Muztar Khairabadi

---

---

ab tak hamari umr ka bachpan nahin gaya
ghar se chale the jeb ke paise gira diye

Nashtar Khaanqahi

---

---

achcha bola dekh kar masjid aali-shan
allah tere ek ko itna baDa makan

Nida Fazli

---

---

achchon ke chhoTe hathon ko chand sitare chhune do
chaar kitaben paDh kar ye bhi hum jaise ho jaenge

let the hands of innocents reach out for stars and moon
with education they'd become like us so very soon

Nida Fazli

---

---

aDi hasrat se insan bachpane ko yaad karta hai
ye phal pak kar dobara chahta hai KHam ho jae

Nushur Wahidi

---

---

apne bachchon ko main baaton mein laga leta hun
jab bhi aawaz lagata hai khilaune wala

Rashid Rahi

---

---

kaun kahe masum hamara bachpan tha
khel mein bhi to aadha aadha aangan tha

Shariq Kaifi

---

---