hae wo bhiga reshmi paikar
tauliya khurdura lage jis ko

Azhar Faragh

---

---

hum apni neki samajhte to hain tujhe lekin
shumar nama-e-amal mein nahin karte

Azhar Faragh

---

---

hamare zahiri ahwal par na ja hum log
qayam apne KHad-o-KHal mein nahin karte

Azhar Faragh

---

---

izala ho gaya taKHir se nikalne ka
guzar gai hai safar mein mere qayam ki sham

Azhar Faragh

---

---

KHaton ko kholti dimak ka shukriya warna
taDap rahi thi lifafon mein be-zabani paDi

Azhar Faragh

---

---

KHud par haram samjha samar ke husul ko
jab tak shajar ko chhanw ke qabil nahin kiya

Azhar Faragh

---

---

kisi badan ki sayahat niDhaal karti hai
kisi ke hath ka takiya thakan khinchta hai

Azhar Faragh

---

---