aasan nahin insaf ki zanjir hilana
duniya ko jahangir ka darbar na samjho

Akhtar Bastavi

---

---

arson se is mein phal nahin aae to kya hua
saya to ab bhi sehn ke kohna shajar mein hai

Akhtar Bastavi

---

---

kijiye kis kis se aaKHir na-shanasi ka gila
jab kisi ne bhi nigah-e-moatabar Dali nahin

Akhtar Bastavi

---

---

jis ne duniya bhar ke gham apnae the
us ko duniya ne kaha be-dard tha

Akhtar Feroz

---

---

ai jalti ruto gawah rahna
hum nange panw chal rahe hain

Akhtar Hoshiyarpuri

---

---

'aKHtar' guzarte lamhon ki aahaT pe yun na chaunk
is matami julus mein ek zindagi bhi hai

Akhtar Hoshiyarpuri

---

---

almari mein taswiren rakhta hun
ab bachpan aur buDhapa ek hue

Akhtar Hoshiyarpuri

---

---