samjhe the hum jo dost tujhe ai miyan ghalat
tera nahin hai jurm hamara guman ghalat

Sauda Mohammad Rafi

---

---

'sauda' hue jab aashiq kya pas aabru ka
sunta hai ai diwane jab dil diya to phir kya

Sauda Mohammad Rafi

---

---

'sauda' jahan mein aa ke koi kuchh na le gaya
jata hun ek main dil-e-pur-arzu liye

Sauda Mohammad Rafi

---

---

'sauda' jahan mein aa ke koi kuchh na le gaya
jata hun ek main dil-e-pur-arzu liye

Sauda Mohammad Rafi

---

---

'sauda' jo be-KHabar hai wahi yan kare hai aish
mushkil bahut hai un ko jo rakhte hain aagahi

Sauda Mohammad Rafi

---

---

'sauda' jo tera haal hai itna to nahin wo
kya jaaniye tu ne use kis aan mein dekha

Sauda Mohammad Rafi

---

---

'sauda' KHuda ke waste kar qissa muKHtasar
apni to nind uD gai tere fasane mein

Sauda Mohammad Rafi

---

---