sher mein sath rawani ke maani bhi to bhar
ai 'sada' qaid tu kuze mein samundar kar de
Sada Ambalvi
tum sitaron ke bharose pe na baiThe rahna
apni tadbir se taqdir banate jao
Sada Ambalvi
unhen na toliye tahzib ke taraazu mein
gharon mein un ke na chulhe na dip jalte hain
Sada Ambalvi
waqt har zaKHm ka marham to nahin ban sakta
dard kuchh hote hain ta-umr rulane wale
Sada Ambalvi
waqt har zaKHm ka marham to nahin ban sakta
dard kuchh hote hain ta-umr rulane wale
Sada Ambalvi
waqt ke sath 'sada' badle talluq kitne
tab gale milte the ab hath milaya na gaya
Sada Ambalvi
wo to KHushbu hai har ek samt bikharna hai use
dil ko kyun zid hai ki aaghosh mein bharna hai use
Sada Ambalvi

