ab aap aa gae hain to aata nahin hai yaad
warna hamein kuchh aap se kahna zarur tha

Roohi Kanjahi

---

---

wo tawajjoh de na de lekin sada dete raho
apne hone ka use 'ruhi' pata dete raho

Roohi Kanjahi

---

---

dil sada taDpe hai mera murgh-e-bismil ki tarah
ya ki sikhi murgh-e-bismil ne mere dil ki tarah

Roy Sarb Sukh Diwana

---

---

donon hon kaise ek ja 'mehdi' surur-o-soz-e-dil
barq-e-nigah-e-naz ne gir ke bata diya ki yun

S A Mehdi

---

---

donon hon kaise ek ja 'mehdi' surur-o-soz-e-dil
barq-e-nigah-e-naz ne gir ke bata diya ki yun

S A Mehdi

---

---

in mein kya farq hai ab is ka bhi ehsas nahin
dard aur dil ka zara dekhiye yaksan hona

S A Mehdi

---

---

jins-e-wafa ka dahr mein bazar gir gaya
jab ishq faiz-e-husn ka hamil nahin raha

S A Mehdi

---

---