ijazat kam thi jine ki magar mohlat ziyaada thi
hamare pas marne ke liye fursat ziyaada thi

Rajesh Reddy

---

---

jitni baTni thi baT chuki ye zamin
ab to bas aasman baqi hai

Rajesh Reddy

---

---

justuju ka ek ajab silsila ta-umr raha
KHud ko khona tha kahin aur kahin DhunDhna tha

Rajesh Reddy

---

---

kaun paDhta hai yahan khol ke ab dil ki kitab
ab to chehre ko hi aKHbar kiya jaana hai

Rajesh Reddy

---

---

kis ne paya sukun duniya mein
zindagani ka samna kar ke

Rajesh Reddy

---

---

kisi din zindagani mein karishma kyun nahin hota
main har din jag to jata hun zinda kyun nahin hota

Rajesh Reddy

---

---

kiya ijad jis ne bhi KHuda ko
wo KHud ko kaise bahlata tha pahle

Rajesh Reddy

---

---