meri talab tha ek shaKHs wo jo nahin mila to phir
hath dua se yun gira bhul gaya sawal bhi

Parveen Shakir

---

---

mumkina faislon mein ek hijr ka faisla bhi tha
hum ne to ek baat ki us ne kamal kar diya

Parveen Shakir

---

---

na jaane kaun sa aaseb dil mein basta hai
ki jo bhi Thahra wo aaKHir makan chhoD gaya

Parveen Shakir

---

---

nahin nahin ye KHabar dushmanon ne di hogi
wo aae aa ke chale bhi gae mile bhi nahin

Parveen Shakir

---

---

pa-ba-gil sab hain rihai ki kare tadbir kaun
dast-basta shahr mein khole meri zanjir kaun

Parveen Shakir

---

---

pas jab tak wo rahe dard thama rahta hai
phailta jata hai phir aankh ke kajal ki tarah

Parveen Shakir

---

---

qadmon mein bhi takan thi ghar bhi qarib tha
par kya karen ki ab ke safar hi ajib tha

Parveen Shakir

---

---