wo ham-safar tha magar us se ham-nawai na thi
ki dhup chhanw ka aalam raha judai na thi

Naseer Turabi

---

---

ye hawa sare charaghon ko uDa le jaegi
raat Dhalne tak yahan sab kuchh dhuan ho jaega

Naseer Turabi

---

---

ye rah-e-tamanna hai yahan dekh ke chalna
is rah mein sar milte hain patthar nahin milta

Naseer Turabi

---

---

jaane kab kaun se lamhe mein zarurat paD jae
tum hamare liye pahle se dua kar rakhna

Nashir Naqvi

---

---

safar ka KHatma hota nahin kahin apna
har ek paDaw se ek ibtida nikalti hai

Nashir Naqvi

---

---

us ke karam ka ek sahaara jo mil gaya
phir umr bhar kisi ki zarurat nahin hui

Nashir Naqvi

---

---

wafa ki rah mein dil ka sipas rakh dunga
main har nadi ke kinare pe pyas rakh dunga

Nashir Naqvi

---

---