uDa kar KHak hum kabe jo pahunche
haqiqat khul gai ku-e-butan ki

Muztar Khairabadi

---

---

umr sab zauq-e-tamasha mein guzari lekin
aaj tak ye na khula kis ke talabgar hain hum

Muztar Khairabadi

---

---

un ka ek patla sa KHanjar un ka ek nazuk sa hath
wo to ye kahiye meri gardan KHushi mein kaT gai

Muztar Khairabadi

---

---

un ko aati thi nind aur mujh ko
apna qissa tamam karna tha

Muztar Khairabadi

---

---

unhon ne kya na kiya aur kya nahin karte
hazar kuchh ho magar ek wafa nahin karte

Muztar Khairabadi

---

---

us ka bhi ek waqt hai aane do maut ko
'muztar' KHuda ki yaad abhi kyun kare koi

Muztar Khairabadi

---

---

us se kah do ki wo jafa na kare
kahin mujh sa use KHuda na kare

Muztar Khairabadi

---

---