dam-e-KHwab-e-rahat bulaya unhon ne to dard-e-nihan ki kahani kahunga
mera haal likhne ke qabil nahin hai agar mil gae to zabani kahunga

Muztar Khairabadi

---

---

dekh kar kabe ko KHali main ye kah kar aa gaya
aise ghar ko kya karunga jis ke andar tu nahin

Muztar Khairabadi

---

---

dhoke se bula kar jo mila tha to wo mujh se
jab milte hain kahte hain daghabaz kahin ka

Muztar Khairabadi

---

---

dil kaam ka nahin to na lo jaan nazr hai
itni zara si baat pe jhagDa na chahiye

Muztar Khairabadi

---

---

dil ko main apne pas kyun rakkhun
tu hi le ja agar ye tera hai

Muztar Khairabadi

---

---

dil kya kare jo raaz mohabbat ka khul gaya
main kya karun ki ishq hi ek namwar se hai

Muztar Khairabadi

---

---

dil un ko muft dene mein dushman ko rashk kyun
hum apna mal dete hain is mein kisi ka kya

Muztar Khairabadi

---

---