zamin ke gird bhi pani zamin ki tah mein bhi
ye shahr jam ke khaDa hai jo tairta hi na ho

Muneer Niyazi

---

---

zawal-e-asr hai kufe mein aur gadagar hain
khula nahin koi dar bab-e-iltija ke siwa

Muneer Niyazi

---

---

zinda logon ki bud-o-bash mein hain
murda logon ki aadaten baqi

Muneer Niyazi

---

---

zinda rahen to kya hai jo mar jaen hum to kya
duniya se KHamushi se guzar jaen hum to kya

Muneer Niyazi

---

---

KHauf har ghar se jhankta hoga
shahr ek dasht-e-be-sada hoga

Muneer Saifi

---

---

koi do minute hil gai thi zamin
jhuka KHak par sar minaron ka tha

Muneer Saifi

---

---

'saifi' mere ujle ujle coat par
mal gaya kalak december dekh le

Muneer Saifi

---

---