ye dil kuchh aaphi ho jata hai band aur aaphi khulta hai
na main qaid is ko karta hun na main aazad karta hun

Meer Hasan

---

---

zat gar pochhiye aadam ki to hai ek wahi
lakh yun kahne ko Thahraiye zaten dil mein

Meer Hasan

---

---

zulm kab tak kijiyega is dil-e-nashad par
ab to is bande pe Tuk kije karam banda-nawaz

Meer Hasan

---

---

chashm-e-baatin mein se jab zahir ka parda uTh gaya
jo musalman tha wahi hindu nazar aaya mujhe

Meer Kallu Arsh

---

---

gale mein apne pahna hai jo tu ne ai but-e-kafir
meri tasbih ko hai rashk zunnar-e-barahman pa

Meer Kallu Arsh

---

---

kaba ka aur KHana-e-dil ka ye haal hai
jaise koi makan ho makan ke jawab mein

Meer Kallu Arsh

---

---

kya diya bosa lab-e-shirin ka ho kar tursh-ru
munh hua miTha to kya dil apna khaTTa ho gaya

Meer Kallu Arsh

---

---