suna hai raat pure chand ki hai
samundar sham se bahka hua hai

Manish Shukla

---

---

tujhe jab dekhta hun to KHud apni yaad aati hai
mera andaz hansne ka kabhi tere hi jaisa tha

Manish Shukla

---

---

uDanon ne kiya tha is qadar mayus un ko
thake-haare parinde jal mein KHud phans rahe the

Manish Shukla

---

---

usi ne rah dikhlai jahan ko
jo apni rah par tanha gaya tha

Manish Shukla

---

---

waqt kahan muTThi mein aane wala tha
lekin hum ne bandh liya taswiron mein

Manish Shukla

---

---

zamane se ghabra ke simTe the KHud mein
magar ab to KHud se bhi ukta rahe hain

Manish Shukla

---

---

zindagi dekh le nazar bhar ke
hum hain shamil tere KHarabon mein

Manish Shukla

---

---