sari gali sunsan paDi thi baad-e-fana ke pahre mein
hijr ke dalan aur aangan mein bas ek saya zinda tha

Jaun Eliya

---

---

sab mere baghair mutmain hain
main sab ke baghair ji raha hun

Jaun Eliya

---

---

sab se pur-amn waqia ye hai
aadmi aadmi ko bhul gaya

Jaun Eliya

---

---

sham hui hai yar aae hain yaron ke hamrah chalen
aaj wahan qawwali hogi 'jaun' chalo dargah chalen

Jaun Eliya

---

---

shayad wo din pahla din tha palken bojhal hone ka
mujh ko dekhte hi jab us ki angDai sharmai hai

Jaun Eliya

---

---

shab jo hum se hua muaf karo
nahin pi thi bahak gae honge

Jaun Eliya

---

---

shishe ke is taraf se main sab ko tak raha hun
marne ki bhi kisi ko fursat nahin hai mujh mein

Jaun Eliya

---

---