husn kahta tha chheDne wale
chheDna hi to bas nahin chhu bhi

Jaun Eliya

---

---

ek ajab aamad-o-shud hai ki na mazi hai na haal
'jaun' barpa kai naslon ka safar hai mujh mein

Jaun Eliya

---

---

ek ajab haal hai ki ab us ko
yaad karna bhi bewafai hai

Jaun Eliya

---

---

ilaj ye hai ki majbur kar diya jaun
wagarna yun to kisi ki nahin suni main ne

Jaun Eliya

---

---

in labon ka lahu na pi jaun
apni tishna-labi se KHatra hai

Jaun Eliya

---

---

itna KHali tha andarun mera
kuchh dinon to KHuda raha mujh mein

Jaun Eliya

---

---

jaan-e-man teri be-naqabi ne
aaj kitne naqab beche hain

Jaun Eliya

---

---