ek hi shai thi ba-andaz-e-digar mangi thi
main ne binai nahin tujh se nazar mangi thi

Izhar Asar

---

---

tarikiyon ke par chamakti hai koi shai
shayad mere junun-e-safar ki umang hai

Izhar Asar

---

---

tamam mazhar-e-fitrat tere ghazal-KHwan hain
ye chandni bhi tere jism ka qasida hai

Izhar Asar

---

---

tu bhi to haTa jism ke suraj se andhere
ye mahki hui raat bhi mahtab-ba-kaf hai

Izhar Asar

---

---

un se milne ka manzar bhi dil-chasp tha ai 'asar'
is taraf se bahaaren chalin aur udhar se KHizaen chalin

Izhar Asar

---

---

aankhen jo uThae to mohabbat ka guman ho
nazron ko jhukae to shikayat si lage hai

Jaan Nisar Akhtar

---

---

aankhon mein jo bhar loge to kanTon se chubhenge
ye KHwab to palkon pe sajaane ke liye hain

Jaan Nisar Akhtar

---

---