kya jaanen un ki chaal mein eajaz hai ki sehr
wo bhi unhin se mil gae jo the hamare log

Haqeer

---

---

kyun na kabe ko kahun allah ka aur but ka ghar
wo bhi mere dil mein hai aur ye bhi mere dil mein hai

Haqeer

---

---

mujhe ab maut behtar zindagi se
wo ki tum ne sitamgari ki tauba

Haqeer

---

---

saqiya aisa pila de mai ka mujh ko jam talKH
zindagi dushwar ho aur ho mujhe aaram talKH

Haqeer

---

---

thoDi taklif sahi aane mein
do ghaDi baiTh ke uTh jaiyega

Haqeer

---

---

TuTen wo sar jis mein teri zulf ka sauda nahin
phuTen wo aankhen ki jin ko did ka lapka nahin

Haqeer

---

---

ya us se jawab-e-KHat lana ya qasid itna kah dena
bachne ka nahin bimar tera irshad agar kuchh bhi na hua

Haqeer

---

---