aap sharminda jafaon pe na hon
jin pe guzri thi wahi bhul gae

Habeeb Ahmad Siddiqui

---

---

aashna jab tak na tha us ki nigah-e-lutf se
wardat-e-qalb ko husn-e-bayan samjha tha main

Habeeb Ahmad Siddiqui

---

---

ab bahut dur nahin manzil-e-dost
kabe se chand qadam aur sahi

Habeeb Ahmad Siddiqui

---

---

ab to jo shai hai meri nazron mein hai na-paedar
yaad aaya main ki gham ko jawedan samjha tha main

Habeeb Ahmad Siddiqui

---

---

apne daman mein ek tar nahin
aur sari bahaar baqi hai

Habeeb Ahmad Siddiqui

---

---

a-sad ada-e-dilbari hai iltija-e-mai-kashi
ye hosh ab kise ki mai haram ya halal hai

Habeeb Ahmad Siddiqui

---

---

atae kaun kisi ko nishan-e-manzil-e-zist
abhi to hujjat-e-baham hai rahguzar ke liye

Habeeb Ahmad Siddiqui

---

---