hindu se puchhiye na musalman se puchhiye
insaniyat ka gham kisi insan se puchhiye

Abu Mohammad Sahar

---

---

hosh-mandi se jahan baat na banti ho 'sahar'
kaam aise mein bahut be-KHabari aati hai

Abu Mohammad Sahar

---

---

ishq ke mazmun the jin mein wo risale kya hue
ai kitab-e-zindagi tere hawale kya hue

Abu Mohammad Sahar

---

---

ishq ko husn ke atwar se kya nisbat hai
wo hamein bhul gae hum to unhen yaad karen

Abu Mohammad Sahar

---

---

marzi KHuda ki kya hai koi jaanta nahin
kya chahti hai KHalq-e-KHuda hum se puchhiye

Abu Mohammad Sahar

---

---

phir khule ibtida-e-ishq ke bab
us ne phir muskura ke dekh liya

Abu Mohammad Sahar

---

---

ah-e-ishq-o-wafa bhi kucha-o-bazar ho jaise
kabhi jo ho nahin pata wo sauda yaad aata hai

Abu Mohammad Sahar

---

---