dariya-e-mohabbat se 'muhib' le hi ke chhoDi
mujh ashk ne aaKHir dur-e-nayab ki miras

Waliullah Muhib

---

---

dars-e-ilm-e-ishq se waqif nahin mutlaq faqih
nahw hi mein mahw hai ya sarf hi mein sarf hai

Waliullah Muhib

---

---

din se paida kufr hai aur nur shakl-e-nar hai
rishta jab subhe se nikla surat-e-zunnar hai

Waliullah Muhib

---

---

diwangi ke silsila ka hoe jo murid
us gesu-e-daraaz siwa pir hi nahin

Waliullah Muhib

---

---

dilon ka farsh hai wan panw rakhne ki kahan jagah
guzarta hai tere kuche se pahle hi qadam sar se

Waliullah Muhib

---

---

dosti chhuTe chhuDae se kisu ke kis tarah
band hota hi nahin rasta dilon ki rah ka

Waliullah Muhib

---

---