main suKHan mein hun us jagah ki jahan
sans lena bhi shairi hai mujhe

Tahzeeb Hafi

---

---

peD mujhe hasrat se dekha karte the
main jangal mein pani laya karta tha

Tahzeeb Hafi

---

---

sahra se ho ke bagh mein aaya hun sair ko
hathon mein phul hain mere panw mein ret hai

Tahzeeb Hafi

---

---

tamam naKHuda sahil se dur ho jaen
samundaron se akele mein baat karni hai

Tahzeeb Hafi

---

---

tera chup rahna mere zehn mein kya baiTh gaya
itni aawazen tujhe din ki gala baiTh gaya

Tahzeeb Hafi

---

---

wo jis ki chhanw mein pachchis sal guzre hain
wo peD mujh se koi baat kyun nahin karta

Tahzeeb Hafi

---

---

ye ek baat samajhne mein raat ho gai hai
main us se jit gaya hun ki mat ho gai hai

Tahzeeb Hafi

---

---