phir mehrban hua hai 'taban' mera sitamgar
baaten teri kisi ne shayad sunaiyan hain

Taban Abdul Hai

---

---

mujhe aata hai rona aisi tanhai pe ai 'taban'
na yar apna na dil apna na tan apna na jaan apna

Taban Abdul Hai

---

---

na ja waiz ki baaton par hamesha mai ko pi 'taban'
abas Darta hai tu dozaKH se ek sharai darakka hai

Taban Abdul Hai

---

---

na the aashiq kisi be-dad par hum jab talak 'taban'
hamare dil ke tain kuchh dard-o-gham tab tak na tha hargiz

Taban Abdul Hai

---

---

neamat-e-alwan bhi KHwan-e-falak ki dekh li
mah nan-e-KHam hai aur mahr nan-e-soKHta

Taban Abdul Hai

---

---

ind waiz se kyun ki sarbar ho
us ki chhu, ki kitab aur hi hai

Taban Abdul Hai

---

---

safar duniya se karna kya hai 'taban'
adam hasti se rah-e-yak-nafas hai

Taban Abdul Hai

---

---

mujh se bimar hai mera zalim
ye sitam kis tarah sahun 'taban'

Taban Abdul Hai

---

---

qismat mein kya hai dekhen jite bachen ki mar jaen
qatil se ab to hum ne aankhen laDaiyan hain

Taban Abdul Hai

---

---