kahin bhi tair-e-awara ho magar tai hai
jidhar kaman hai udhar jaega kabhi na kabhi

Syed Amin Ashraf

---

---

kahin pe dast-e-nigarin kahin lab-e-lalin
wo sote sote meri nind ka uchaT jaana

Syed Amin Ashraf

---

---

kisi se ishq ho jaane ko afsana nahin kahte
ki afsane mata-e-kucha-o-bazar hote hain

Syed Amin Ashraf

---

---

lazzat-e-did KHuda jaane kahan le jae
aankh hoti hai to hota nahin qabu dil pa

Syed Amin Ashraf

---

---

main dekhta hun faraaz-e-junun se duniya ko
ki sahal bhi nahin shayan-e-arzu hona

Syed Amin Ashraf

---

---

main par-shikasta na tha baadalon ke bich magar
meri uDan ka zanjir se lipaT jaana

Syed Amin Ashraf

---

---