mere rukte hi meri sansen bhi ruk jaengi
fasle aur baDha do ki main zinda hun abhi

Sudarshan Faakhir

---

---

samne hai jo use log bura kahte hain
jis ko dekha hi nahin us ko KHuda kahte hain

Sudarshan Faakhir

---

---

tere jaane mein aur aane mein
hum ne sadiyon ka fasla dekha

Sudarshan Faakhir

---

---

teri aankhon mein hum ne kya dekha
kabhi qatil kabhi KHuda dekha

Sudarshan Faakhir

---

---

ye sikhaya hai dosti ne hamein
dost ban kar kabhi wafa na karo

friendship has taught this to me
in friendship don’t bear loyalty

Sudarshan Faakhir

---

---

zikr jab hoga mohabbat mein tabahi ka kahin
yaad hum aaenge duniya ko hawalon ki tarah

Sudarshan Faakhir

---

---