itni siyah-raat mein itni si raushni
ye chand wo nahin mera mahtab aur hai

Saud Usmani

---

---

har shai se palaT rahi hain nazren
manzar koi jam nahin raha hai

Saud Usmani

---

---

har ek ufuq pe musalsal tulua hota hua
main aaftab ke manind rahguzar mein tha

Saud Usmani

---

---

hairat se takta hai sahra barish ke nazrane ko
kitni dur se aai hai ye ret se hath milane ko

Saud Usmani

---

---

arun-e-KHak faqat chand Thekre hain magar
yahan se shahr milenge agar khudai hui

Saud Usmani

---

---

ahut dinon mein mere ghar ki KHamoshi TuTi
KHud apne-ap se ek din kalam main ne kiya

Saud Usmani

---

---

aisa hai ki sikkon ki tarah mulk-e-suKHan mein
jari koi ek yaad purani karen hum bhi

Saud Usmani

---

---