KHwab aur tamanna ka kya hisab rakhna hai
KHwahishen hain sadiyon ki umr to zara si hai

Sarwat Zehra

---

---

koi jawaz DhunDte KHayal hi nahin raha
tamam umr yunhi be-KHayal jagte rahe

Sarwat Zehra

---

---

mere jazbon ko ye lafzon ki bandish mar deti hai
kisi se kya kahun kya zat ke andar banati hun

Sarwat Zehra

---

---

tumhaari aas ki chadar se munh chhupae hue
pukarti hui ruswaiyon mein baiThi hun

Sarwat Zehra

---

---

waqt bhi ab mera marham nahin hone pata
dard kaisa hai jo maddham nahin hone pata

Sarwat Zehra

---

---