labon mein aa ke qulfi ho gae ashaar sardi mein
ghazal kahna bhi ab to ho gaya dushwar sardi mein

Sarfaraz Shahid

---

---

murgh par fauran jhapaT dawat mein warna baad mein
shorba aur gardanon ki haDDiyan rah jaengi

Sarfaraz Shahid

---

---

aaz-o-niyaz mein bhi akaD-fun nahin gai
wo KHat bhi likh raha hai to chaalan ki tarah

Sarfaraz Shahid

---

---

sare shikwe dur ho jaen jo qudarat saunp de
meri danai tujhe aur teri nadani mujhe

Sarfaraz Shahid

---

---

'shahid'-sahib kahlate hain mister bhi maulana bhi
hazrat do kirdaron wale hera-pheri karte hain

Sarfaraz Shahid

---

---

specialist pain-killer de to kaun sa?
sare jahan ka dard hamare jigar mein hai

Sarfaraz Shahid

---

---

surur-e-jaan-faza deti hai aaghosh-e-watan sab ko
ki jaise bhi hon bachche man ko pyare ek jaise hain

Sarfaraz Shahid

---

---