main aap apne andheron mein baiTh jata hun
phir is ke baad koi shai chamakti rahti hai

Salim Saleem

---

---

kya ho gaya ki baiTh gai KHak bhi meri
kya baat hai ki apne hi upar khaDa hun main

Salim Saleem

---

---

aa raha hoga wo daman se hawa bandhe hue
aaj KHushbu ko pareshan kiya jaega

Salim Saleem

---

---

juz hamare kaun aaKHir dekhta is kaam ko
ruh ke andar koi kar-e-badan hota hua

Salim Saleem

---

---

jo ek dam mein tamam ruhon ko KHak kar de
badan se uDta hua ek aisa sharar dekhun

Salim Saleem

---

---

ek barf si jami rahe diwar-o-baam par
ek aag mere kamre ke andar lagi rahe

Salim Saleem

---

---

hijr ke din to hue KHatm baDi dhum ke sath
wasl ki raat hai kyun marsiya-KHwani karen hum

Salim Saleem

---

---

chaTaKH ke TuT gai hai to ban gai aawaz
jo mere sine mein ek roz KHamushi hui thi

Salim Saleem

---

---

charagh-e-ishq badan se laga tha kuchh aisa
main bujh ke rah gaya us ko hawa banane mein

Salim Saleem

---

---