shikasta-pai se hoti hain bastiyan aabaad
jo ab qabila hua pahle qafila hoga

Sagheer Malal

---

---

tajjub un ko hai kyun meri KHud-kalami par
har aadmi ka koi raaz-dan zaruri hai

Sagheer Malal

---

---

tamam wahm o guman hai to hum bhi dhoka hain
isi KHayal se duniya ko main ne pyar kiya

Sagheer Malal

---

---

tere bare mein agar KHamosh hun main aaj tak
phir tere haq mein kisi ka faisla kaise hua

Sagheer Malal

---

---

un se bachna ki bichhate hain panahen pahle
phir yahi log kahin ka nahin rahne dete

Sagheer Malal

---

---

zamane bhar se ulajhte hain jis ki jaanib se
akele-pan mein use hum bhi kya nahin kahte

Sagheer Malal

---

---

zarurat us ki hamein hai magar ye dhyan rahe
kahan wo ghair-zaruri kahan zaruri hai

Sagheer Malal

---

---