tum sitaron ke bharose pe na baiThe rahna
apni tadbir se taqdir banate jao

Sada Ambalvi

---

---

mohabbat ke marizon ka mudawa hai zara mushkil
utarta hai 'sada' un ka buKHar aahista aahista

Sada Ambalvi

---

---

na zikr gul ka kahin hai na mahtab ka hai
tamam shahr mein charcha tere shabab ka hai

Sada Ambalvi

---

---

asm-e-duniya to kisi taur nibhate jao
dil nahin milte bhi to hath milate jao

Sada Ambalvi

---

---

'sada' ke pas hai duniya ka tajraba waiz
tumhaari baat mein bas falsafa kitab ka hai

Sada Ambalvi

---

---

sher mein sath rawani ke maani bhi to bhar
ai 'sada' qaid tu kuze mein samundar kar de

Sada Ambalvi

---

---

waqt har zaKHm ka marham to nahin ban sakta
dard kuchh hote hain ta-umr rulane wale

Sada Ambalvi

---

---

wo to KHushbu hai har ek samt bikharna hai use
dil ko kyun zid hai ki aaghosh mein bharna hai use

Sada Ambalvi

---

---

waqt ke sath 'sada' badle talluq kitne
tab gale milte the ab hath milaya na gaya

Sada Ambalvi

---

---