tere tasawwur ki dhup oDhe khaDa hun chhat par
mere liye sardiyon ka mausam zara alag hai

Sabir

---

---

us ke shar se main sada mangta rahta hun panah
isi duniya se mohabbat bhi bala ki hai mujhe

Sabir

---

---

yahan pe hansna rawa hai rona hai be-hayai
suqut-e-shahr-e-junun ka matam zara alag hai

Sabir

---

---

ye karobar-e-mohabbat hai tum na samjhoge
hua hai mujh ko bahut faeda KHasare mein

Sabir

---

---

ye kya bad-mazaqi hai gard jhaDte kyun ho
is makan-e-KHasta mein yar hum bhi rahte hain

Sabir

---

---