najd mein kya qais ka hai urs aaj
nange nange jama hain hammam mein

Riyaz Khairabadi

---

---

naseh ke sar par ek lagai taDaq se
phir hath mal rahe hain ki achchhi paDi nahin

Riyaz Khairabadi

---

---

muflison ki zindagi ka zikr kya
muflisi ki maut bhi achchhi nahin

Riyaz Khairabadi

---

---

mere ghar misl tabarruk ke ye saman nikla
aastin qais ki farhad ka daman nikla

Riyaz Khairabadi

---

---

kya sharab-e-nab ne pasti se paya hai uruj
sar chaDhi hai halq se niche utar jaane ke baad

Riyaz Khairabadi

---

---

mai-KHane mein kyun yaad-e-KHuda hoti hai aksar
masjid mein to zikr-e-mai-o-mina nahin hota

Riyaz Khairabadi

---

---

luT gai shab ko do shai jis ko chhupate the bahut
in hasinon se koi puchhe ki kya jata raha

Riyaz Khairabadi

---

---

lab-e-mai-gun ka taqaza hai ki jina hoga
aankh kahti hai tujhe zahr bhi pina hoga

Riyaz Khairabadi

---

---

mai-KHane mein mazar hamara agar bana
duniya yahi kahegi ki jannat mein ghar bana

Riyaz Khairabadi

---

---