aadal aae hain ghir gulal ke lal
kuchh kisi ka nahin kisi ko KHayal

Rangin Saadat Yaar Khan

---

---

garm in rozon mein kuchh ishq ka bazar nahin
bechta dil ko hun main koi KHaridar nahin

Rangin Saadat Yaar Khan

---

---

hai ye duniya ja-e-ibrat KHak se insan ki
ban gae kitne subu kitne hi paimane hue

Rangin Saadat Yaar Khan

---

---

jhuTa kabhi na jhuTa howe
jhuTe ke aage sachcha rowe

Rangin Saadat Yaar Khan

---

---

mana karte ho abas yaro aaj
us ke ghar jaenge par jaenge hum

Rangin Saadat Yaar Khan

---

---

pa-bos-e-yar ki hamein hasrat hai ai nasim
aahista aaiyo tu hamare mazar pa

Rangin Saadat Yaar Khan

---

---

ta hashr rahe ye dagh dil ka
ya-rab na bujhe charagh dil ka

Rangin Saadat Yaar Khan

---

---

tha jahan mai-KHana barpa us jagah masjid bani
TuT kar masjid ko phir dekha to but-KHane hue

Rangin Saadat Yaar Khan

---

---

wo na aae to tu hi chal 'rangin'
is mein kya teri shan jati hai

Rangin Saadat Yaar Khan

---

---