milte nahin hain apni kahani mein hum kahin
ghaeb hue hain jab se teri dastan se hum

Rajesh Reddy

---

---

nind ko DhunD ke lane ki dawaen thin bahut
kaam mushkil to koi KHwab hasin DhunDhna tha

Rajesh Reddy

---

---

meri ek zindagi ke kitne hisse-dar hain lekin
kisi ki zindagi mein mera hissa kyun nahin hota

Rajesh Reddy

---

---

meri ghazal mein kisi bewafa ka zikr na tha
na jaane kaise tera tazkira nikal aaya

Rajesh Reddy

---

---

mere dil ke kisi kone mein ek masum sa bachcha
baDon ki dekh kar duniya baDa hone se Darta hai

Rajesh Reddy

---

---

main ne to baad mein toDa tha ise
aaina mujh pe hansa tha pahle

Rajesh Reddy

---

---

kya jaane kis jahan mein milega hamein sukun
naraaz hain zamin se KHafa aasman se hum

Rajesh Reddy

---

---

sath 'ghaalib' ke gai fikr ki gahrai bhi
aur lahja bhi gaya 'mir-taqi-mir' ke sath

Rajesh Reddy

---

---

mayassar muft mein the aasman ke chand tare tak
zamin ke har khilaune ki magar qimat ziyaada thi

Rajesh Reddy

---

---