aap ne achchha kiya tathir-e-KHwahish hi na ki
warna zamzam chashma-e-napak hota ghaaliban

Rahi Fidai

---

---

arae-nam hi sahi ba-ehtiyat kijiye
darun-e-kizb-o-iftira sadaqaten KHalat-malat

Rahi Fidai

---

---

hadson ke KHauf se ehsas ki had mein na tha
warna nafs-e-mutmain saffak hota ghaaliban

Rahi Fidai

---

---

har ek shaKH thi larzan faza mein chiKH-o-pukar
hawa ke hath mein ek aab-dar KHanjar tha

Rahi Fidai

---

---

hawas-girafta hawao nigahen nichi rakho
shajar khaDe hain saDak ke qarin be-parda

Rahi Fidai

---

---

kisi ko saya kisi ko gul-o-samar dega
hara-bhara hai daraKHt-e-riwaj rahne do

Rahi Fidai

---

---

lazzat ka zahr waqt-e-sahr chhoD kar koi
shab ke tamam rishte faramosh kar gaya

Rahi Fidai

---

---

sabza-zaron ki sharafat se na khelo qatan
tum hawa ho to KHalaon se lipaT kar dekho

Rahi Fidai

---

---

sharafaton ke rang mein shararten KHalat-malat
sar-mazaq ho gain himaqaten KHalat-malat

Rahi Fidai

---

---